دیگلور تعلقہ میں نوجوان کا قتل

ناندیڑ: ۲۱؍اگست (نامہ نگار)مکان اور کھیت کی زمین کو لے کر آپسی رنجش میں ایک نوجوان کے قتل کا واقعہ دیگلور تعلقہ میں پیش آیا ۔ تفصیلات کے مطابق دیگلور تعلقہ کے کوٹے کلور گاؤں کے رہنے والے پانڈورنگ بیداپورے (۳۵سال ) کو سریش بیداپورے ،رمیش بیداپورے ، بجرنگ بیداپورے ، گنگادھر بیداپورے ، ملو بیداپورے ، ناگناتھ نملواڑ ، رام چندر نملواڑ ان لوگوں نے مل کر شام ۵؍بجے کے وقت روک کر کہا کہ تو اپنا مکان اور



کھیت ہمارے نام پر کیوں نہیں کررہا ہے ۔ کھیت اور مکان کے زمین کو لے کر مذکورہ سات افراد نے پانڈورنگ پر چاقو ، کلہاڑی ، کتی سے حملہ کردیا ۔ جس میں وہ بری طرح زخمی ہوگیا تھا ۔ اُسے علاج کی غرض سے ناندیڑ لایاگیا مگر اس کی موت ہوگئی ۔ پانڈورنگ کے والد شنکر بیداپورے کی شکایت پر مذکورہ ملزمین کے خلاف دیگلور پولس اسٹیشن میں قتل کا مقدمہ درج کیا گیا ہے ۔ مذکورہ قاتلوں کے حملے میں شنکر بیدا پورے بھی زخمی ہوئے ہیں ۔